English / Maori

		He Whakataukī Hutia te rito o te Harakeke Kei whea te kōmako e ko? kī mai ki ahau”, He aha te mea nui o te Ao? Māku e kī atu“ He Tangata! He Tangata! He Tangata!
	Kei te taha whakaruru o te moana o Taitapu tō tātou marae e tū ana i te raki o Whakatū. I ngā ngāhuru tau ono tekau i timata ai te whakwhanake i te wāhi nei hei nohoanga mā te whare tipuna – Kākati, te whare kai – Mauri ora, ngā whare kaumātua, Kōpuawai te kohanga reo, te whare Kōkiri mo ngā ratonga Hauora, Pāpori hoki, he hēti taputapu me tētahi whare paku. Tekau heketā te rahi o te wāhi nei. Ko Tū atu Tū mai te kawa o te marae. Tokoono ngā iwi upoko matua o te marae nei arā, ko Ngāti Kuia, Ngāti Koata, Ngāti Toa Rangatira, Ngāti Rārua, Ngāti Tama me Te Āti Awa. Ko Maungatapu te maunga Ko Maitahi te awa Ko Kākati te whare tupuna Ko Whakatū te marae Ko Ngāti Koata Ngāti Toa Rangatira Ngāti Rārua Ngāti Kuia Ngāti Tama Te Āti Awa Ko Kākati tētahi o ngā tupuna e tūhono ana i ngā iwi nei. E whitu ngā reanga heke iho i a Hoturoa (te rangatira o te waka o Tainui) tēnei tupuna a Kākati. Ko Kākati te ingoa o te whare tupuna. I rēhitatia te marae i raro i te ture Incorporated Societies Act 1908. I whakamanatia tēnei i te 21 ō Hakihea 1977. Ka toko ake te whakaaro o te hāpori Māori o Whakatū ki te whakatūria he marae hei whakatinana, hei pupuri ki ngā āhuatanga o Ngāi Tātou. Mā reira ka pakari ake, ka aro atu ki ngā kaupapa matua arā te reo Māori me ōna tikanga. Mai i aua wā kua whakatūwhera ngā whare kaumātua i te tau 1991. Ka tupu tonu te wāhi, ā, i whakatūria tō mātou Whare tupuna i te 1 ō Paenga Whāwhā, te tau 1995. I whakatūria te whare kai ko Mauri Ora i te 22 ō Whiringa ā nuku, te tau 2005.
	Tāhūhū Kōrero Whakamanatia te tapu,te ihi, te wehi o te whānau (To address, restore and enhance the mana and tapu of the whanau)

Whakatū Marae 99 Atawhai Drive, Nelson Phone/Fax: 03 546 9097
Website Design by Eiji Toyokawa Photography and Graphic Design